#part2 - - قالت امي : مو انتي اللي كنتي تتمنين شغاله؟ قلت ايوه يمه بس مو بالشكل ذا ! قالت ما علينا من الشكل أهم شي تشتغل ! بدأت الشغل يوم عن يوم ! كل ما أمر من جنب غرفتها اشم ريحة غريبه ! كانت دايما ريحة الغرفه بخور وروائح جدا غريبه ! اتصلو علي رحمه ومروی وقالو يمكن بكرا نجيك ! رحت لغرفة الشغاله وفتحت الباب وكانت تقرأ شي غريب وفجأة خشته وراها وقالت بلغتها : شتبين؟ قلت لها نظفي البيت .. طلعت من الغرفه وكان شاغل تفكيري ايش كانت تقرأ ؟ فكرت لين نمت ! صحيت الظهر !!! مر الوقت وجو رحمه ومروی ! الكل كان ملاحظ اني سرحانه ! كل اللي كان ببالي أن هذا شي تافه وما بقوله لأي شخص عشان ما يضحك علی تفكيري ! حاولو البنات يقنعوني اتكلم ! بشتی الطرق ! بالاخير تكلمت وقلت لهم كل شي لأنهم أكثر من أخوات بالنسبه لي ! نظرت فيني رحمه باستغراب وقالت : رهف كل اللى ببالك أوهام لا تظلمي المخلوقه ويجي ببالك شي اصلا مو موجود يمكن كانت تقرأ كتيب صغير أو يمكن كانت تقرأ قرآن طيب يمكن كانت تشوف صوره ! لا يجي ببالك أوهام وبالاخير تخافي وتصيري موسوسه ! ردت مروی بضحكه : من يوم عرفت الآدمية ذي وهي موسوسه ونفسية وملقوفه ! * تسريع الأحداث * خلصت الليله وانا شايله هم ! ايه شايله هم لأن لو صار شي ف هو بيكون فينا خصوصا بعد ما شفت نظرتها بعد ما خبت ذاك الشي وراها ! مستحيل يهدأ لي بال أو ارتاح وذي الخدامه بيننا لاني خايفة علی امي وعلى اخوي وعلى نفسي ! سمعت صوت من غرفه الشغاله وتمتمه غريبه ! ماهي لغه عربيه ولا اجنبيه ! لهجه وكانها تكلم نفسها ...اتصلت علی رحمه وانا متوترة وميته خوف : رحمه لازم تشوفيلي حل لاني مو متطمنه لهالخدامه وش بنستفيد اذا كانت ساحره؟ وسحرتنا ؟ ردت رحمه : رهف انا عندي لك طريقه وان شاء الله راح تزبط لاني بديت أخاف من لما قلتي تمتمه ! - - #يتبع

-
#part3
-
ردت رحمه : رهف انا عندي لك طريقه وان شاء الله راح تزبط لاني بديت أخاف من لما قلتي تمتمه ! قلت : رحمه ترا بديت أخاف تكلمي ! رحمه : رهف أمك متى بتروح السوق؟ رديت : مدري بسالها بكرا ! قالت رحمه : خلاص متی ما راحت امك ارسلي معها الشغاله تساعدها وشوفي ايش موجود بالغرفة مع اني أحس مافي شي يستاهل ! كالعاده فكرت وخفت لين نمت وصحيت علی صوت امي اليوم الثاني وبالصدفه امي قالت لي : انا رايحة السوق وابيك تروحي معي تساعديني علی الأغراض ! قلت لها : يمه انا تعبانه خلي الشغاله تروح معاك ! اقتنعت بعد عده محاولات ! أخيرا كل من بالبيت طلع ! جات اللحظه اللي أدخل فيها للغرفة واعرف ايش كان فيها ! فتحت باب الغرفة ! كانت الروائح من كل مكان ! فتحت شنطة الملابس ! ارتعش جسمي فجأه بدون أي سبب ! فتحت الكيس اللي جنب الشنطه ويدي ترتجف ! بعثرت الاغراض ! لخبطت العفش ! اخيرا لقيت كتيب صغير لونه أسود ومكتوب عليه بالاخضر " طواس اندوهان " اخذت الكتيب وطلعت برا الغرفه بأسرع ما يمكن ! سكرت الباب وقلبي يدق ! رحت غرفتي ! ارتحت شوي ! كنت أفكر وأقول : معقوله هذا اللي كان عندها بالغرفة ؟ اكيد مافي غيره لاني ما حصلت شي مهم ! أخذت الكتيب ! كان شكله مخيف وحتى الصفحات شكلها غريب وفيها صور ! قررت اقرأ واتغلب علی خوفي واواسي نفسي انه مجرد كتيب وكلمات عادية ! فتحت اول صفحه ! كان مكتوب أسماء غريبه ! ..طواس اندوهان.. بوان.. تومان.. كوباك ايباك توم .. كنت أردد الكلمات وانا متعجبه واضحك ! بديت اقرأ الكلام الغريب وفضولي يجرني اقرأ كل الكلام عشان اعرف ايش مخبيه الخدامه ! قريت لما تعبت ! جاني نوم وحطيت الكتيب تحت مخدتي ! نمت نومه طويله ! صحتني امي وهي معصبه وتقول :
-
-
#يتبع

الطلاسم من مخي