ويتبع - - قلبي ما قدر يستحمل الرعب اللي بالمكان وحسيت أنها نهايه حياتي بديت اصرخ داخلي وارتجف وابكي ! حسيت ببرود بجسمي وكل اللي أذكره اني اتمتم بسم الله بسم الله ! وطحت بالأرض ! فتحت عيني علی ضوء الصباح ! علی يدي سواد وغبار اسود ! شلت الغبار وكان فيه علامه علی يدي كان شكلها يشبه لعلامة زائد ! قطع تفكيري صوت صالح وهو يدق الباب ويقول : رهف اصحي ! رهف ! انتي هنا؟.. ما رديت وكان كل تفكيري ! اللي صار البارح حقيقه ولا كنت احلم؟ بس اذا كان حلم انا ايش جابني غرفه ابوي ؟ تكلمت بكل تعب وقلت : ايه موجوده هنا ! .. طلعت من غرفة ابوي أفطر مع امي وصالح ! حطينا الفطور وجلست اطالع بالكل ! ملامح امي وصالح ! كلامهم وتصرفاتهم ! فجأه صالح طلع من غرفة ابوي وبيده الكتيب وسالني ! ايش ذا الكتيب؟ نظرت بخوف واخذته من يده وقلت ولا شي ! طالعت بصالح نظرات حقد ! أكلت شوي من الفطور وقمت ! اتصلت رحمه علی جوال امي رديت عليها وعلى طول قالت : اول مره تكملين يومين بدون لا تتصلين أو تكلميني ! فيك شي؟ .. رديت وقلت : لا بخير ... سولفنا شوي وانتهت المكالمه ! كانت تجيني ضيقه لما اجلس مع امي وصالح مدري ليه ! كنت أتأمل العلامه الصغيره اللي علی يدي ! ايش ذي العلامه ! تذكرت ببداية الكتيب موجوده علامات ومكتوب قدامها أيش تعني ! أخذت الكتيب بسرعه وفتحته ! قريت كل العلامات ووصلت عند العلامه اللي علی يدي ! كان مكتوب * الروحذ المرافقة * لكن بخط غريب وعجيب ! استغربت ! ايش يعني ؟ جلست بغرفتي وجاتني امي ! وقفت عند باب الغرفه وقالت : بنتي رهف انا ملاحظه عليك ما صرت تجلسين معي ولا مع اخوك صالح ! انتي عارفه مالنا إلا الله ثم بعضنا ! ايش مغيرك يا بنتي ! علميني فضفضيلي اعتبريني صاحبتك مثل كل مره ! والله العظيم أن قلبي يتقطع لما اشوفك بذي الحاله يومين كامله ما جلستي

والله العظيم أن قلبي يتقطع لما اشوفك بذي الحاله يومين كامله ما جلستي معنا ! قلت لها : يمه انا بخير بس تعبانه شوي ومالي خلق أحد ! طلعت من الغرفه وهي متضايقه من تصرفي ! نمت لين الليل ! صحيت ابكي ! ايه ابكي مدري من ايش ! تعوذت من بليس ! وشغلت النور ورجعت انسدحت مكاني ! حسيت بضيقه ! قمت صليت ركعتين ! رجعت مكاني ! حسيت اني رجعت انعس ! كنت بغمض عيني من النعاس ! شفت بركن الغرفه ومن خلف الملابس اللي ع الأرض ! رأس شخص لكن بعين وحده ! حاولت ادقق أكثر وأكثر ! طلعت عين وترمش كمان ! بكيت بيني وبين نفسي وأحاول استوعب اني اتوهم لكن طلع حقيقي ! كان الوقت الساعه العاشره ف الليل ! كنت انتظر يشيل عينه عني ! المنظر المخيف مع ضيقتي !ومع بكائي اللي بصوت خفيف ! غمضت عيني ! طلعت من الغرفه بكل خوف ! رحت المطبخ اشرب ماء واهدي اعصابي ! وقفت امي وراي ! قالت بهدوء : بنتي رهف ! طالعت فيها بكل رجفه ! .. قالت : فيك شي يا بنتي؟ .. رديت : ل ل لا يمه .. قالت : يمه شفيك عيونك حمراء والسواد مغطي وجهك ! رجعت غرفتي بدون ما رديت ! .. تركت النور شغال عشان ما أخاف ! بعد نص ساعه دخلت علي رحمه بالغرفة ! وضمتني فجأه ! جلست ابكي لا شعوريا ! قالت لي : شفيك رهف أمك قالت لي انك تعبانه وما تكلمتي ! .. بديت احكي لها القصه كلها ! .. قالت : طيب ليه ما فضفضتي لامك ! انتي تدرين أن لها يومين ما نامت من خوفها عليك؟ تدرين أن اخوك صالح مستاذن وأخذ اجازه من دوامة أسبوع كامل عشانك؟ .. ليه ما قلتي لامك رهف ؟ .. رديت وراسي بالأرض..