CFM Thread

Ang mga Helpers ay mga manlalaro ng Atelier 801 na handang magbigay tulong at gabay sa ibang mga manlalaro na may mga katanungan pa-ukol sa laro.
Ang mga Helpers ay orihinal na binuo ng manlalaro na si How. Ang grupo ay itinatag noong ika-20 ng Setyembre, 2011 at matatag na tumatakbo simula noong panahong iyon.

Ang layunin namin ay matulungan ang mga manlalaro na sagutin ang kanilang mga katanungan at mabawasan ang mga mensaheng nakukuha ng mga tauhan ng Atelier 801.

Ang mga lider ng Proyektong Helpers ay sina Haruhitastic (EN) at Ratacp (ES).
Salamat sa mga dating lider ng proyektong ito: Minkee, How, at Sabusha!

* - denotes subleader

• EN: Haruhitastic, Shamousey
• FR: Alexiax, Helpium
• BR: Camhelper, Luucassssss, Excasr*
• ES: Ratacp, Bogkitty, Geoorg*, Cndalr*
• TR: --
• RU: Shambelbabel, Cepto, Bushmeister*
• HU: Vogul
• ID: Xiaojiemei
• NL: Jordynl
• PL: Staszekowaty
• RO: Vamprett
• VK: Maskulino, Dewilheart
• CN: Winnielau
• DE: Hashiro
• AR: Safwanrockz
  

Paano maging miyembro ng Helpers?
Kadalasang binubuksan ang aplikasyon kapag sa tingin namin ay nangangailangan kami ng mga miyembro. Kapag binuksan ang aplikasyon, isang anunsiyo ang ipapaskil sa thread na ito, at magbabago ang pamagat upang sumalamin sa anunsiyo.

Ang mga Helpers ba ay tauhan ng Atelier 801?
Hindi. Hindi sila opisyal na parte ng mga tauhan ng Atelier801. Hindi rin sila itinuturing na parte ng mga tauhan ng Cheeseformice.

Ilang taon ako kailangan maging upang maging Helper? Mayroon bang limitasyon sa edad katulad nang kailangan upang maging tauhan ng Atelier 801?
Kadalasan na mas gusto namin na ang manlalaro ay nasa edad na 15 years old o mas matanda pa, ngunit maaari kaming gumawa ng eksepsiyon kung ang manlalaro ay nagpapakita ng pagiging mature.

Ano ang maaaring makabawas sa pagkakataon ko na makasali sa pangkat?

• Hindi angkop na pag-uugali, katulad ng pang-iinsulto at pag-spam.
• Hindi paglalaan ng oras upang masagot ang iyong aplikasyon. Kahit ito ay isang maliit at simpleng posisyon lamang, mabuti pa rin na maipakita ang inisyatiba sa pamamagitan ng paniniguradong ang iyong aplikasyon ay malinaw, maikli subalit puno ng impormasyon, at nagpapahayag ng mga bagay sa mabuting paraan.
• Pagiging isip-bata.
• Kung ikaw man ay nakatanggap ng ban sa Cheeseformice, Transformice, o Opisyal na forum ng Transformice, depende sa dahilan ng iyong kaparusahan.

Ang isang Helper ay nagpakita ng bastos na pag-uugali sa akin! Ano ang dapat kong gawin?
Magpadala ng mensahe sa lider ng mga Helpers sa loob ng laro o sa pamamagitan ng Cheeseformice. Huwag kalimutan na ipaliwanag kung ano ang nangyari, magbigay ng mga screenshot o anumang patunay na mayroon ka. Huwag magsinungaling o gumawa ng maling ulat patungkol sa Helper upang mapatalsik sila sa kanilang posisyon.

Mayroon akong problema sa isang lider ng isang partikular na komunidad, mayroong katibayan, at sa tingin ko na sila ay dapat maparusahan. Sino ang dapat kong kausapin?
Sa kasalukuyan, mayroong tatlong internasyonal na lider ng mga Helpers: Haruhitastic, Shambelbabel, at Ratacp. Sila ang mga taong maaaring makatulong sa iyong mga isyu sa lider. Magbigay mensahe sa kanila sa pamamagitan ng pag-uusap sa CFM, o sa #TFMHelpers. channel sa IRC.

Hindi alam ng isang Helper kung ano ang dapat niyang gawin! Hindi ba dapat siya na patalsikin?
Importante para sa inyong kaalaman na tao lang din kami, at hindi namin alam ang lahat. Ang mga tao ay may iba’t-ibang antas ng kaalaman, o kadalubhasaan sa iba’t-ibang parte ng mga laro. Halimbawa, hindi ka makakakuha ng maraming impormasyon tungkol sa Fortoresse mula sa isang Helper ng Bouboum. Mangyari man ito, subukang maglaan ng pasensya kung hindi man agad na masagot ang iyong mga katanungan.